Բանաձև «Հայոց պետականության անցյալը, ներկան ու ապագան» միջազգային երիտասարդական 4-րդ գիտաժողովի

Բանաձև «Հայոց պետականության անցյալը, ներկան ու ապագան» միջազգային երիտասարդական 4-րդ գիտաժողովի

Մենք՝ «Հայոց պետականության անցյալը, ներկան ու ապագան» միջազգային երիտասարդական 4-րդ գիտաժողովի մասնակիցներս,

Ելնելով միջազգային ակադեմիական երկխոսության քաղաքակիրթ միջավայրի ձևավորման, գիտական դիվանագիտության արդյունավետ իրականացման ու զարգացման, երիտասարդ գիտնականների ու հետազոտողների միջև մասնագիտական կապերի ստեղծման, ամրապնդման և փորձի փոխանակման անհրաժեշտությունից,

Գիտակցելով մասնակից երկրներում գիտահեն մտքի խթանման, գիտության երիտասարդացման ու գիտական սերնդափոխության հրատապությունը,

Արժևորելով միջազգային նմանատիպ գիտաժողովների կազմակերպման կարևորությունն Արցախն աշխարհին ճանաչելի դարձնելու, գիտական առկա ներուժն Արցախի Հանրապետւթյան միջազգային ճանաչման գործում արդյունավետ օգտագործելու նպատակով՝

ՈՐՈՇԵՑԻՆՔ

  • Մեկտեղել մասնակից երկրների ներկայացուցիչների ջանքերն՝ ակադեմիական շարժունության ապահովման ու փորձագիտական միասնական ցանցի ստեղծման նպատակով,
  • Ակտիվացնել մասնակից երկրների երիտասարդ գիտնականների ու մասնագետների գիտական, ակադեմիական շփումները՝ խթանելով հետազոտական համատեղ նախագծերի ու ծրագրերի իրականացումը,
  • Ձևավորել միջազգային գիտական համագործակցության ձևավորման նոր ինստիտուցիոնալ հարթակներ,
  • Մասնակից երկրների երիտասարդության շրջանում հանդես գալ խաղաղության, հանդուրժողականության, համերաշխության ու մարդասիրական այլ արժեքների տարածման ու հանրահռչակման նախաձեռնություններով,
  • Ձևավորել միջազգային համակարգող խորհուրդ՝ 2020թ.-ի սեպտեմբերին Արցախի Հանրապետության մայրաքաղաք Ստեփանակերտում անցկացվելիք հոբելյանական 5-րդ միջազգային երիտասադրական գիտաժողովի կազմակերպման նպատակով։

Ք.Ստեփանակերտ
Արցախի Հանրապետություն
14.09.2019թ.

522
Բաժանորդագրվեք ArtsakhLib կայքի նորություններին
Լավագույն հոդվածները ստացեք էլեկտրոնային փոստով
mailbox